Schulanfang
Sechs Wocha Ferien, welch’ lange Zeit,wos mach ma mit de Kinda heit,dass ma koa Langeweile trogt,mia Eltern san do sehr gefrogt,Tischtennis und Fedaboi,a Schwimmbod, des gibt’s übaoi,an Biergartn, an Erlebnispark,oiwei wos doa müassn, des is arg,Fuaßboi spuin nebst Eis z’ essn,Kinobsuach, des net vagessn,und deshoib gfrei … und net nur i –i auf den erstn Schuitog mi. |
Lebkuacha ab September
Im Supermarkt in ersta Reih,grod nebm de dickn Grillwürscht glei,do ab September, frisch und zart,liegn Lebkuacha in jeda Art.I moan, des is woih no zu früah,i mog ja Lebkuacha, aba wia,do net im Somma, in da Hitz,wo i auf meina Liegn schwitz.Do hot mei Frau a Packl kaaft,wei ohne Süaßs bei mir nix laaft;so lieg i in da Sonna gern,und knabber an oam Schokladnstern |
